Komisioneri për Zgjerimin, Oliver Varhelyi ka reaguar pas arritjes së marrëveshjes mes palëve politike për Reformën Zgjedhore duke theksuar se është një hap i rëndësishëm për në rrugën europiane të Shqipërisë.
Në një postim në Twitter, komisioneri shkroi: “Marrëveshja e sotme politike për Reformën Zgjedhore në Shqipëri është një arritje e madhe. Uroj ngrohtësisht të gjitha palët që përmes procesit gjithëpërfshirës arritën në këtë pikë. Reforma do të forcojë procesin zgjedhor, në përputhje me rekomandimet e ODIHR, në dobi të të gjithëve. Shqipëria bëri një hap të rëndësishëm përpara në rrugën e saj evropiane sot”.