Vendimi i opozitës për të penguar normalitetin e punës në kuvendin e Shqipërisë ka detyruar këtë të fundit që ti zhvillojë mbledhjet online.
Komisioni i ligjeve tentoi të zhvillojë mbledhje në sallë, por nuk ia arriti qëllimit, pasi deputetët e opozitës e penguan zhvillimin e saj. Mbledhja zgjati vetëm pesë minuta dhe më pas u mbyll, për tu zhvilluar më vonë online.
Deputet e opozitës në komisionin e ekonomisë thanë se mazhoranca po shkel rregulloren, pasi nuk kemi të bëjmë me situatë të jashtëzakonshme, që të detyrojë zhvillimin e mbledhjeve në këtë mënyrë.
1-Ne po na shqetëson mbledhja online. Ne jemi të gjithë në kryesinë e kuvendin pse të mos e zhvillojmë mbledhjen fizikisht. Nuk ka asgjë të jashtëzakonshme për të marrë vendime të tilla. Mos na hiqni të drejtën e protestës dhe të fjalës-tha Serina Koti deputet e PD.
2-Në se do të silleni normal atëherë do të bëjmë dhe mbledhje normale-iu përgjigj Eduart Shalsi
Pavarësisht kërkesës së opozitës, komisioni i ekonomisë e zhvilloi mbledhjen online dhe miratoi paketën fiskale për vitin 2024, paketë që parashikon disa ndryshime taksash dhe tatimesh.
