Komisioni Evropian nuk mund të zbulojë çmimin me të cilin sigurohen vaksinat e mundshme kundër sëmundjes COVID-19, sepse është një parim që zbatohet për negociatat tregtare dhe mbron procesin e prokurimit të tenderit.
“Çmimi i vaksinës është pjesë e kontratave të nënshkruara midis KE dhe kompanive, por ky informacion nuk k apse bëhet publik,” thotë zëdhënësi i KE, Eric Mamer.
Ai shpjegon se, ndërsa bisedimet mbi kontratat tregtare janë duke u zhvilluar, me disa kompani, informacioni është konfidencial në mënyrë që të mos ndikojë në rezultatin e negociatave.
Shtohet se konfidencialiteti i dokumenteve të tilla është një “procedurë standarde” e zbatuar nga kompanitë farmaceutike kur nënshkruajnë kontrata me të gjitha vendet.
“Nuk janë vetëm interesa kontraktuale-tregtare, por duhet të jemi të kujdesshëm që të mos lejojmë që kompanitë të zgjedhin të tjera gjatë negociatave,” thotë Komisionerja Evropiane e Shëndetësisë, Stella Kyriakides.
Komisioni Evropian deri më tani ka miratuar katër kontrata për furnizimin e vaksinave.
Përveç kontratës së miratuar me Pfizer, KE ka nënshkruar deri më tani kontrata të prokurimit të vaksinave me kompanitë farmaceutike AstraZeneca, Sanofi dhe Johnson & Johnson.
Komisioni shton se, në përputhje me strategjinë e vaksinimit të Bashkimit Evropian, prokurimi i vaksinave përqendrohet te prodhuesit nga territori i Evropës.