Komiteti për Parandalimin e Torturës (CPT), i cili vepron brenda Këshillit të Evropës, paralajmëroi Greqinë të mos i shtynte emigrantët përsëri në Turqi.

Raporti i Komitetit, i cili bëri inspektime në Greqi mes datave 13-17 mars, thekson kushtet në të cilat po mbahen emigrantët në rajonin e Maricës dhe në ishullin Samos janë çnjerëzore dhe degraduese.

Në raport, ku bëhet fjalë për mangësitë strukturore në politikën e Greqisë për emigrantët, thuhet se emigrantët mbahen në qelitë që nuk janë të ndriçuara në mënyrë adekuate, të ajrosura dhe nuk kanë higjienë personale dhe produkte pastrimi.

Në të njëjtën kohë, emigrantëve nuk iu dha informacioni i duhur dhe i qartë për gjendjen e tyre.

Familjet me fëmijë dhe fëmijët e mbetur vetëm janë të detyruar të jetojnë në kushte shumë të këqija, thuhet në raport, ndërsa i bëhet thirrje Greqisë që t’i japë fund ndalimit të fëmijëve në stacionet e policisë. Këta fëmijë duhet të qëndrojnë në qendrat e përshtatshme, thuhet në raport.

Komiteti “ka marrë pretendime të qëndrueshme dhe të besueshme” se emigrantët janë tërhequr përsëri në Turqi nga kufiri në Maricë, tha raporti, duke theksuar se Greqia duhet të vihet në veprim për të siguruar që të mos i kthejë emigrantët përsëri në Turqi.

Raporti tha se CPT ishte e shqetësuar për veprimet e ndërmarra nga roja bregdetare greke për të parandaluar që anijet që mbanin migrantë të arrinin ishujt grekë dhe vuri në dyshim rolin dhe përfshirjen e Agjencisë së Rojës Kufitare dhe Bregdetare të Bashkimit Evropian (FRONTEX).

Në raport nga autoritetet greke kërkohet që të marrin masa për të parandaluar keqtrajtimin e emigrantëve nga ana e policisë, ndërsa kjo e fundit tha se informacioni rreth emigrantëve që shtyhen përsëri në Turqi është i rremë dhe i pabazë.

 

loading...