Një emigrant në grykën e Këlcyrës ka rezultuar pozitiv për koronavirusin. Ai është pjesë e 26 emigrantëve që janë strehuar në hotelin RIVE në Grykën e Kelcyrës.
Bëhet fjalë për një 29-vjeçar nga Rrogozhina. Testi, emigrantit shqiptar në fjalë i është bërë një ditë më parë së bashku me 20 emigrantë të tjerë që mbërritën nga Greqi përmes pikës së Kakavijës.
29-vjeçari kishte shfaqur shenja të virusit të rrezikshëm dhe për këtë arsye specialistet e NJVKSH i morën kampione nga sekrecionet e tij për t’i analizuar ne kryeqytet.
Gjirokastra deri më tani, bënte pjesë në qytetet ku nuk ka pasur raste të konfirmuara me virusin korona. /