Një konflikt brenda familjes ka degraduar në dhunë fizike në fshatin Ushtelenxë, Dibër. Policia njofton se për motive të dobëta, një 24-vjeçar është konfliktuar me vëllain e tij, bashkëshorten e vëllait dhe motrën e kësaj të fundit.
Policia njofton se i riu ka goditur me sende të forta kunatën e të vëllait dhe ka dëmtuar automjetin e bashkëshortit të saj.
“Falë ndërhyrjes në kohë nga Policia, u kap dhe u arrestua shtetasi A. Gj., 24 vjeç, banues në Dibër, i cili për motive të dobëta është konfliktuar dhe ka kanosur vëllanë e tij, shtetasin R. Gj.
Gjithashtu, gjatë konfliktit, shtetasi A. Gj. ka goditur me sende të forta, shtetasen A. N., ka kanosur shtetasin S. N. (bashkëshorti i shtetases A. N.), si dhe ka dëmtuar automjetin e tij”, njofton policia.
Gjithashtu është proceduar penalisht babai i të riut, i cili ka dëmtuar automjetin e uniformave blu në momentin e shoqërimit të të birit.
