Në orët e para të mëngjesit të sotëm, dy 15-vjeçarë u konfliktuan me njëri – tjetrin në lagje “18 shtatorit” në Gjirokastër, ku si pasojë mbeti i plagosur një prej tyre.
Adoleshenti u paraqit në spital me një plagë në pjesën e barkut, ndërsa policia shoqëroi në komisariat bashkëmoshatarin e tij.
Mësohet se i plagosuri ka dalë dhe reanimacioni dhe është në gjendje më stabël.
Shkak i konfliktit raportohet të ketë qenë pretendimi i djalit tjetër, se i plagosuri i ngacmonte motrën, 13-vjeçare, që ishte dëshmitare e ngjarjes.
LEXO EDHE: Adoleshenti përfundoi në spital me plagë në bark, reagon policia: Konflikt mes dy 15-vjeçarëve, njëri në spital dhe tjetri në komisariat
Bashkëmoshatarët janë nxënës të një shkolle, por në klasa të ndryshme. Djali që u plagos është nga Tepelena dhe jeton në konvikt në Gjirokastër.
Njoftimi i policisë:
Sot me datë 08.03.2024 rreth orës 08:05 në lagjen “18 shtatori”, gjatë një konflikti të çastit një 15-vjeçar ka goditur me mjet prerës bashkëmoshatarin e tij, i cili ndodhet në spital, në kujdesin e mjekëve.
15-vjeçari është shoqëruar në ambientet e Policisë për veprime të mëtejshme.
Grupi hetimor vazhdon veprimet në vendngjarje për zbardhjen e plotë të rrethanave të ngjarjes.
