U konstituua sot Këshilli i qarkut Berat ku të pranishëm ishin ministri i Turizmit dhe Mjedisit, Blendi Klosi, kryetari i bashkisë Berat, Ervin Demo dhe deputeti Fadil Nasufi.
Ky këshill nëpërmjet procesit të votimit të fshehtë zgjodhi kryetarin e ri të Këshillit të Qarkut, Donald Molishti, i cili mori me unanimitet të plotë 17 vota pro. Gjatë këtij votimi u zgjodh dhe zv.kryetari, Tauland Mustafaraj.
“Procesi model dhe fryma bashkëpunuese e zgjedhjes së kryetarit dhe zv.kryetarit të ri të Qarkut shënon edhe nisjen e impulseve të reja në hapësirën zhvillimore të projekteve transformuese për Beratin”, tha ministri Klosi.
“Besimplotë që Donaldi do të ushtrojë me përgjegjshmëri detyrën e kryetarit të qarkut”, u shpreh Demo.
