Një grup kontrabandistësh vranë 15 migrantë të paligjshëm në Libinë perëndimore, tha një organizatë joqeveritare lokale.
Ahmed Hamza, kreu i Komisionit Kombëtar të të Drejtave të Njeriut të Libisë, tha se migrantët u qëlluan për vdekje në një përleshje mes kontrabandistëve të njerëzve, pas së cilës varka e tyre u dogj.
Ai theksoi se janë vrarë emigrantë të nacionaliteteve të ndryshme, transmeton Anadolia.
Autoritetet libiane nuk kanë komentuar ende për incidentin.
Libia është rruga kryesore për mijëra emigrantë, kryesisht nga Afrika Sub-Sahariane, që përpiqen të arrijnë në Evropë përmes detit.
Sipas shifrave zyrtare, pothuajse 700,000 emigrantë janë mbajtur në qendrat e paraburgimit libian pasi u përpoqën të shkonin në Evropë.
