Policia ka konfirmuar kontrollet që po kryhen në kampin e MEK në Kamëz. Në një njoftim zyrtar thuhet se ky operacion është ndërmarrë me urdhët të Gjykatës së Posaçme, ndërsa po kontrollohet i gjithë ambienti dhe zyrat e MEK.
“Në zbatim të urdhër-kontrolleve të nxjerra nga Gjykata, Policia e Shtetit ka marrë masa për zbatimin e tyre, me planin e kontrollit të ambienteve në territorin e kampit MEK, duke zbatuar me rigorozitet etikën dhe komunikimin e duke respektuar të drejtat dhe liritë themelore të të gjithë qytetarëve dhe komunitetit që banon në këtë kamp”, thuhet në njoftim.
Megjithatë policia nuk sqaron motivet e këtij kontrolli, teksa burime bëjnë me dije se operacioni është në kuadër të terrorizmit dhe sulmeve kibermetike.
Në përfundim të kontrolleve do të ketë njoftim më të detajuar.
