Koreja e Jugut urdhëroi civilët të kërkonin strehim në ishull përpara se të zhvillonte stërvitjet e saj me zjarr të drejtpërdrejtë.
Jugu e quajti atë një “akt provokues”, por Veriu mohoi që ishujt ishin në rrezik nga stërvitjet e tij.
Në vitin 2010, artileria e Koresë së Veriut qëlloi shumë herë në ishullin Yeonpyeong, duke vrarë katër persona, raporton BBC.
Predhat e artilerisë të lëshuara të premten, nga ora 09:00 deri në orën 11:00 me kohën lokale, nuk hynë në territorin e koresë së Jugut, pasi të gjtha ranë në zonën tampon midis dy vendeve.
Shefat e Shtabit të Përbashkët të Koresë së Jugut thanë se incidenti nuk shkaktoi “asnjë dëm për popullin apo ushtrinë tonë”, por shtoi se akti “kërcënon paqen në gadishullin Korean dhe rrit tensionet”.
Granatimet pasojnë paralajmërimet nga Pheniani se po ndërtonte arsenalin e tij ushtarak të përgatitjes së luftës që mund të “shpërthejë në çdo kohë” në gadishull.
Autoritetet në dy ishujt aty pranë, Baengnyeong dhe Daecheong, u thanë gjithashtu civilëve të kërkonin strehim.
“Rifillimi i stërvitjeve të zjarrit me artileri brenda zonës joarmiqësore këtë mëngjes është një akt provokimi që kërcënon paqen në Gadishullin korean dhe rrit tensionin”, tha ë një deklaratë të premten ministri i Mbrojtjes i Koresë së Jugut, Shin Ëon-sik.
“Ushtria jonë duhet të jetë në gatishmëri për të zhdukur plotësisht armikun në mënyrë që ata të mos guxojnë një provokim tjetër”, tha ai.
Ministria e tij tha se nuk pa asnjë lëvizje nga Veriu gjatë stërvitjes së Koresë së Jugut.
Agjencia zyrtare e lajmeve e Veriut, KCNA më vonë tha se stërvitjet e saj në brigjet perëndimore ishin një “përgjigje e natyrshme” ndaj veprimeve ushtarake në shkallë të gjerë nga fqinji i saj.
Incidenti i fundit vjen disa muaj pasi Veriu pezulloi plotësisht një marrëveshje ushtarake me Jugun që kishte për qëllim përmirësimin e marrëdhënieve.
Marrëveshja filloi të përkeqësohej pasi Pheniani pretendoi se kishte lëshuar me sukses një satelit spiun në hapësirë në nëntor. Kjo bëri që Koreja e Jugut të pezullonte pjesërisht marrëveshjen, duke thënë se do të rifillonte fluturimet e vëzhgimit përgjatë kufirit.
Më pas, Pheniani tha se do të tërheqë të gjitha masat “për të parandaluar konfliktin ushtarak në të gjitha sferat, përfshirë tokën, detin dhe ajrin” dhe do të vendosë “forca të armatosura më të fuqishme dhe pajisje ushtarake të tipit të ri” në rajonin kufitar.
Por Koreja e Veriut e kishte shkelur paktin disa herë në dy vitet e mëparshme, duke lëshuar raketa dhe gjuajtje artilerie në det në drejtim të Jugut. Herën e fundit që Koreja e Veriut qëlloi predha artilerie në det ishte në dhjetor 2022, me nëntë incidente të tilla që ndodhën vetëm në atë vit.
Prandaj, disa analistë argumentojnë se tërheqja zyrtarisht e Phenianit nga marrëveshja mund të mos sjellë shumë ndryshim.
“Për shkak se Koreja e Veriut nuk po i përmbahej marrëveshjes në radhë të parë, mundësia e një përplasjeje të kufizuar ka qenë gjithmonë aty”, tha Jo Bee Yun nga Instituti Korean për Analizën e Mbrojtjes.
Ishulli Yeonpyeong, shtëpia e një baze ushtarake dhe një popullsie të vogël civile prej rreth 2,000 njerëz, shtrihet 3 km (2 milje) nga kufiri detar i diskutueshëm në Detin e Verdhë dhe 12 km nga bregu i Koresë së Veriut.
Ajo ka qenë skena e përleshjeve detare ndër-koreane gjatë viteve.
Në vitin 2010, dy ushtarë dhe dy civilë u vranë pasi Koreja e Veriut gjuajti dhjetëra predha artilerie drejt ishullit./
