Bashkia e Shkodrës ka kërkuar që individët, familjet, personat fizikë dhe juridikë, OJF dhe institucionet në Shkodër të mos paguajnë taksat. Kjo lehtësi Bashkia e Shkodrës kërkon të aplikohet për tre muaj.
“Të përjashtohen nga taksa e pronës dhe tarifat vendore (pastrim, gjelbrim, ndriçim publik) për një periudhë 3-mujore viti 2020, për të gjitha kategoritë e taksapaguesve. Të përjashtohen nga kamatvonesat e detyrimeve vendore dhe gjobave për të gjitha kategoritë e taksapaguesve.”
Kryebashkiakja e Shkodrës, Voltana Ademi tha se kjo situatë kërkon masa urgjente.