Në Palestinë dyshohet të jenë identifikuar 4 raste të reja me koronavirus.
Ndërkohë që rastet priten të konfirmohen, Kisha e Lindjes së Krishtit në Bethlehem është mbyllur të enjten ndërsa turistët u ndaluan nga hotelet e Bregut Perëndimor.
Masat e njoftuara nga Ministria e Turizmit në Palestinë nuk janë lajm i mirë për vendin e shenjtë, bizneset e së cilit janë zakonisht të varura nga vizitorët e krishterë.
Vetëm tre muaj më parë Bethlehemi kaloi Krishtlindjet më të mira në dy dekada, të paktën kështu u shpreh kryebashkiaku dhe pronarët e hoteleve. Si duket shifrat ishin më të mira se në vitin 2018 kur vendi priti 1.5 milionë vizitorë.
Sipas ministrin të Turizmit, ndalimi i vizitorëve të huaj në Bregun Perëndimor do të zgjasë për dy javë.
Duke folur për impaktin e masave të reja, menaxheri i një hoteli u shpreh:
“Kjo na prek në mënyrë dramatike. Punonjësit tanë nuk do të kenë punë për 14 ditët në vazhdim. Ne do të jemi të mbyllur plotësisht. Kjo po e shkatërron biznesin nga çdo prespektivë.”
Deri më tani numri i të prekurve nga Covid-19 në Palestinë është shtatë.
