Vazhdon të jetë e rëndë situata në spitalet Covid-1 dhe 2 për shkak të koronavirusit.
Siç bën të ditur ministria e Shëndetësisë, numri i personave në terapi intensive dhe në gjendje të intubuar është rritur.
Aktualisht në spitalin Infektiv dhe ‘Shefqet Ndroqi’ po trajtohen 175 pacientë të konfirmuar pozitivë me COVID-19, 17 në terapi intensive nga të cilët vetëm 9 pacientë janë të intubuar.
Mësohet se në dy spitalet COVID janë gjithashtu duke marrë shërbim të specializuar 43 qytetarë të cilët kanë qenë pozitivë me COVID-19 dhe aktualisht janë negativizuar, por po vijojnë të marrin trajtim spitalor për pasojat e sëmundjes.
ISHP konfirmon se gjatë 24 orëve të fundit janë kryer 796 teste, nga të cilët 84 kanë rezultuar pozitivë.
Shpërndarja gjeografike e rasteve pozitive ditore është si vijon: 28 raste në Tiranë, nga 12 raste në Shkodër dhe Durrës, 7 raste në Kukës, 5 raste në Elbasan, 4 raste në Vlorë, nga 3 raste në Korçë, Mirditë, nga 2 raste në Berat, Kuçovë, nga 1 rast në Korçë, Kurbin, Kavajë, Kamëz, Divjakë, Malësi e Madhe.
Një ditë më parë, ISHP kishte kryer 804 teste duke zbuluar 112 raste të reja.
Gjithashtu, raportohet për katër pacientë të vdekur.
