Senatori amerikan nga Partia Demokratike Bob Menendez është akuzuar për korrupsion për herë të dytë në dhjetë vjet.
Siç raportohet, ai nuk do të jetë më kreu i Komisionit të Senatit për Politikën e Jashtme, ku James O’Brien, i nominuar për postin e Ndihmës Sekretarit të Shtetit për Evropën, dëshmoi dy ditë më parë përballë Menendezit.
Senatori dhe gruaja e tij janë akuzuar për ryshfet dhe prokurorët amerikanë i akuzojnë ata për pranim ryshfeti në një sërë veprash korrupsioni, duke përfshirë përdorimin e pushtetit të demokratëve për të ndikuar në politikën e jashtme në favor të Egjiptit.
Zyra e prokurorit amerikan në Manhatan akuzoi Menendez dhe gruan e tij, Nadine, për marrje ryshfeti.
“Këto ryshfete përfshinin para, ar, pagesa të hipotekës së shtëpisë, një automjet luksoz dhe sende të tjera me vlerë”, thuhet në aktakuzë.
Në një kontroll në shtëpinë e çiftit u gjetën 100,000 dollarë në shufra ari dhe 480,000 dollarë para të gatshme të fshehura, pretendojnë prokurorët.
Menendez dhe gruaja e tij përballen me tre akuza penale secila: komplot për të kryer ryshfet, komplot për të kryer mashtrimin e shërbimeve të ndershme dhe komplot për të kryer zhvatje nën maskën e ligjit zyrtar.
Menendez, 69-vjeçari, kryetari i Komisionit me ndikim të Politikës së Jashtme të Senatit, u padit më parë në Neë Jersey për pranim të fluturimeve private, kontributeve në fushatë dhe ryshfeteve të tjera nga një mbrojtës i pasur në këmbim të favoreve zyrtare.
Senatori Menendez nuk ishte i kënaqur me mënyrën se si i dërguari i posaçëm për Ballkanin Perëndimor, Gabriel Escobar, po e bënte detyrën e tij, ndaj i shkaktoi shumë telashe gjatë dëshmisë së tij para komisionit të lartpërmendur.
