Kryeministri Edi Rama tha se Kosova nuk duhet të presë se çfarë duhet të bëjë Serbia për hapat drejt BE apo NATO-s.
Në parlamentin e Kosovës, ai u shpreh se nuk po jep një leksion, por si një vend që po ecën drejt BE.
“Kosova e uli në gjunjë Serbinë 25 vjet më parë dhe sot duhet ta lërë në bisht Serbinë”, tha Rama.
Rama: Nuk ka asnjë arsyer që Kosova të presë ca do bëjë Serbia për të bërë hapat e saj drejt BE dhe NATO-së. Kosova e uli në gjunjë Serbinë 25 vjet më parë dhe sot duhet ta lërë në bisht Serbinë. E them këtë jo për ti dhënë Kosovës në asnjë mënyrë një leksion, por një opinion vëllazëror dhe konstruktiv për mënyrën sesi mësimet e integrimit në njërin vend mund ti vlejnë edhe vendit tjetër. Faktin tonë të përbashkët kombëtar e kemi të gjithin në duart tona dhe krahët i kemi të shtrira nga Mitrovica në Konispol. Do udhëtojmë të gjithë bashkë, ose nuk udhëtojmë.
