Kryeministri i Kosovës Albin Kurti paralajmëroi hapin e radhës së Prishtinës, aplikimin për në NATO dhe BE, një akt diplomatik që mund të pritej me irritim në Moskë.
Kujtojmë se ditë më parë, Kosova aplikoi për në Këshillin e Europës, gjë që s’u prit mirë në Beograd.
“Kemi aplikuar për anëtarësim në Këshillin e Evropës. Anëtarësimi ynë në KiE është vlerë e shtuar për Këshillin dhe mundësi për Kosovën që të përparoj më shumë në fushën e drejtësisë. Jemi duke i bërë përgatitjet për aplikim për anëtarësim në Partneritetin e Paqes në kuadër të NATO-s, e do të aplikojmë edhe për anëtarësim në BE”, tha Kurti në një event politik të Vetëvendosjes.
Sipas tij, imazhi i Kosovës ka një përmbajtje më të re si në kuptimin politik ashtu edhe ekonomik.
