Republika e Kosovës pjesë në sesionin e 132-të të Këshillit të Organizatës Botërore të Doganave, në Bruksel me të drejta të plota njëlloj si 182 shtetet anëtare.
Në kuadër të këtij sesioni është ri-zgjedhur Sekretar i Përgjithshëm i OBD-së, z. Kunio Mikuriya. Gjithashtu është diskutuar rishikimi i Konventës së Kyotos, ndërtimi i kapaciteteve, programeve për lehtësim të tregtisë që do t’i ofrohen shteteve anëtare dhe çështje të tjera të rëndësishme në fushëveprimin doganor.
Gjatë punimeve të sesionit të OBD-së, Republika e Kosovës ka pasur të drejtën e marrjes së fjalës, të drejtën e votes, gjithashtu u konfirmua nga Këshilli buxheti për kontributet financiare të Kosovës.
Ndërkohë dështuan përpjekjet e Serbisë dhe Rusisë për të penguar pjesëmarrjen e Kosovës, pas reagimit të delegacionit të Republikës së Kosovës dhe shteteve aleate dhe partnere.
Ky ishte sesioni i 4-të i OBD-së, në të cilin Kosova po merr pjesë si anëtare, që nga janari i vitit 2017.
