Kosova sot është bërë me trajner të ri të përfaqësueses së saj, Bernard Shalande. Zvicerani 66 vjeçar po zëvendëson në këtë pozitë Albert Bunjaku, i cili u dorëhoq pas rezultateve jo të mira të Kosovës në kualifikueset e botërorit.
Zvicerani ka një eksperiencë të madhe në trajnim dhe numëron disa skuadra nën drejtimin e tij sidomos skuadra ne Zvicër, si: Jang Bojs, Zyrih, Sion etj., por edhe me kombëtare, si Armenia në vitet 2014 – 2015.
Shalande gjithashtu është menaxher i kompanisë “Futuro’’, e cila ka nën menaxhim 45 futbollist me tyre edhe 12 futbollist shqiptar ku dallohet edhe mesfushori i kombëtares tonë, Migjen Basha.
Prezantimin e parë në pankinën e Kosovës do ta bëjë në dy miqësoret ndaj skuadrave afrikane të Madagaskarit dhe Burkina Fasos në datat 24 dhe 27 mars.
Prezantimi është bërë sot nga presidenti i FFK-së Fadil Vokrri pasi tekniku ka nënshkruar edhe kontratën e re. Në deklaratën e parë ai menjëherë ka hedhur ‘’dorashkën’’ ndaj Zvicrës së tij pasi është shprehur se do të afroj në skuadër shumë futbollist me origjinë nga Kosova që luajnë në Zvicër.