Një sërë pllakash të varreve në fshatin Lladoc të komunës së Podujevës janë dëmtuar e thyer.
Policia e nisi hetimin pas denoncimit të një banori që konstatoi ngjarjen e shëmtuar në fillim të kësaj jave, ndërsa më tutje autoritetet pikasën një person të dyshimtë, që qëndronte pranë varrezave.
Nuk vizitoi asnjë varrezë, por qëndronte aty duke pirë duhan. Siç raportoi klankosova, personi në fjalë mbetet i dyshuari kryesor, për shkak se njihet nga autoritetet për precedentë e përdorim të lëndëve narkotike.
“Rënd e kemi përjetuar… si një vdekje e dytë ka qenë”, tregon një qytetar, i cili gjeti të dëmtuar pllakën e varrit të babait të ndjerë.
Policia ndërkohë ka nisur hetimet për personin e dyshuar, i cili fillimisht u konstatua të martën në varrezat e fshatit.
