Ambasadorja amerikane Yuri Kim së bashku me Ministren e Mbrojtjes Olta Xhaçka ishin në bordin e anijes P-134 Butrinti, për një lundrim përgjatë gjirit të Vlorës.
Lajmin e bën me dije përmes një shënimi në facebook Ambasada e SHBA-së në Tiranë si dhe vetë ministrja Xhaçka.
“Krah për krah”, shkruan sipër fotos ministrja Xhaçka, ndërsa në shënimin e ambasadës thuhet se vizita e Kim ishte një tjetër shembull si Shtetet e Bashkuara dhe Shqipëria vazhdojnë të qëndrojnë “krah për krah” si aleate në NATO.
Pas tyre, në foto shihet edhe pjesa tjetër e stafit të anijes Butrinti.
Shënimi i Ambasadës Amerikane
Sot, Ambasadorja Yuri Kim, së bashku me Ministren e Mbrojtjes Olta Xhaçka ishin në bordin e anijes P-134 Butrinti, për një lundrim përgjatë gjirit të Vlorës.
Kjo vizitë ishte një tjetër shembull si Shtetet e Bashkuara dhe Shqipëria vazhdojnë të qëndrojnë “krah për krah” si aleate në NATO.
Përkushtimi i Shqipërisë ndaj NATO-s mbetet një përparësi kryesore për qeveritë e Shteteve të Bashkuara dhe shqiptare.