Zëdhënësi i Kremlinit, Dmitriy Peskov, tha se janë të shqetësuar nga fakti që SHBA-ja po rrit tensionet midis Rusisë dhe Ukrainës.
Peskov bëri deklarata para gazetarëve në kryeqytetin Moskë në lidhje me tensionet mes Rusisë dhe Ukrainës.
Duke thënë se këtë tension e ka rritur SHBA-ja, Peskov tha: “Tensionin e rrit SHBA-ja si me informacion, ashtu edhe në praktikë. Asgjë nuk ndryshon në këtë drejtim. Ne i ndjekim me shumë shqetësim veprimet e SHBA-së në këtë drejtim”.
Peskov theksoi se SHBA-ja ka vënë në gatishmëri 8.500 ushtarë për mbështetje në rast se Forca e Reagimit të NATO-s aktivizohet kundër situatave të papritura në krizën e Ukrainës dhe se kjo nuk ndikon në negociatat e sigurisë ndërmjet Rusisë dhe SHBA-s dhe NATO-s.
“Negociatat në fazën aktuale kanë përfunduar. Ne presim përgjigje me shkrim për të kuptuar se si dhe kur do të vazhdojmë negociatat. Shpresojmë që kjo të ndodhë këtë javë”, tha Peskov.
Duke iu përgjigjur pyetjes se a diskutuan presidenti rus Vladimir Putin dhe presidenti kuban Miguel Diaz-Canel Bermudez vendosjen e bazave ushtarake dhe zhvillimin e bashkëpunimit teknik ushtarak në bisedën e tyre telefonike dje, Peskov tha se të dyja palët përputhen me qëndrimet e tyre për çështjet ndërkombëtare.
