Kryetari i Çështjeve Fetare të Türkiye-s (Diyanet), Ali Erbaş u bëri thirrje danezëve që të lexojnë lirbin e shenjtë musliman Kuranin.
Në një postim nga llogaria e tij në median sociale, Erbaş ka deklaruar:
“Danezë, falë Kuranit shumë njerëz janë larguar nga e keqja dhe janë bërë të mirë. Edhe flamuri turk ka marrë ngjyrën e tij nga gjaku i atyre që kanë rënë dëshmorë për të. Ejani, jepni përgjigjen më të madhe të këqijave brenda jush duke e lexuar Kuranin dhe duke e njohur flamurin turk”.
Kujtojmë se të premten në Danimarkë, para Ambasadës turke në Kopenhagë, objektiv i sulmit ishte flamuri turk dhe një kopje e Kuranit.
Burimi: AA
