Inspektori i Lartë i Drejtësisë Artur Metani është takuar dje me ambasadoren e Shteteve të Bashkuara të Amerikës Yuri Kim dhe ambasadorin e Bashkimit Evropian Luigi Soreca.
Metani i njohu ambasadorët me detyrat dhe sfidat e institucionit të ri kushtetues, përgjegjës për verifikimin e ankesave, hetimin e shkeljeve disiplinore dhe fillimin e procedimit disiplinor ndaj gjyqtarëve dhe prokurorëve të të gjitha niveleve.
Ambasadorja Kim dhe ambasadori Soreca shprehën mbështetjen e fortë për punën e Inspektorit të Lartë të Drejtësisë, si një institucion i rëndësishëm në strukturën e sistemit të drejtësisë.
