Presidenti i Organizatës Botërore të Shëndetit (OBSH) Tedros Adhanom Ghebreyesus u bëri thirrje udhëheqësve të vendeve që të përgatiten për të luftuar koronavirusin e rrezikshëm (Covid-19) që është shfaqur në Kinë dhe më vonë përhapur në vendet e tjera.
Duke iu drejtuar Konferencës së 56-të të Sigurisë në Mynih (MSC 2020), Ghebreyesus theksoi se ai ishte gjithashtu i shqetësuar për rritjen e numrit të të infektuarve me virusin vdekjeprurës.
Ai theksoi se OBSH kishte formuar një ekip ndërkombëtar që bashkëpunonte ngushtë me homologët kinezë për të kuptuar më mirë epideminë e virusit.
“E pamundur të parashikohet se në cilin drejtim do të shkojë kjo epidemi,” tha Ghebreyesus, duke u kërkuar përfaqësuesve të vendeve që të marrin të gjitha masat e nevojshme për t’iu përgjigjur në mënyrë adekuate kërcënimit.
Koronavirusi u shfaq dhe u përhap me shpejtësi në qytetin kinez Wuhan në fund të vitit të kaluar, me infeksione të konfirmuara në më shumë se 20 vende të botës.
Organizata Botërore e Shëndetit (OBSH) ka deklaruar një gjendje rreziku global dhe shumë kompani ajrore kanë pezulluar fluturimet për në Kinë.
Të dhënat më të fundit janë këto:
Vdekjet: 1,527
Të infektuar: 67,181
Të shëruar: 8.582