Kuvendi i Kosovës nuk pati kuorumin e nevojshëm për të marrë vendim për shpalljen e gjendjes së jashtëzakonshme për shkak të krizës energjetike.
Për vendimin votuan 55 deputetë, ndërsa e bojkotuan atë përfaqësuesit e Listës Serbe.
Qeveria ka bërë thirrje për një gjendje të jashtëzakonshme në sektorin e energjisë për të menaxhuar më mirë krizën e shkaktuar nga kufizimet e energjisë elektrike. Vendimi i qeverisë, i cili duhej të miratohej edhe në parlament, parashikonte vendosjen e kufizimeve të furnizimit me energji elektrike për një periudhë 60-ditore dhe vendosjen e detyrimeve të veçanta për kompanitë e energjisë.
Ministri i Ekonomisë tha se ky vendim është i domosdoshëm për të dalë nga kriza.
Por ligjvënësit e opozitës kritikuan qeverinë për mospërgatitjen në kohë për krizën e paralajmëruar energjetike.
