Kryetarja e LSI, Monika Kryemadhi ka uruar të gjithë shqiptarët për Vitin e Ri 2019.
Në një postim në “Facebook”, Kryemadhi teksa ka hedhur një foto të të gjithë familjes, i uron shqiptarët për një vit të mbarë dhe plotë mirësi e dashuri.
Ajo shprehet se 2019 do të jetë një vit I ri me qëllime dhe ndryshime të mëdha në jetët e shqiptarëve.
“Mbrëmja e ndërrimit të viteve qoftë e bardhë dhe e gëzuar për të gjithë shqiptarët. Zoti u dhëntë forcë të gjithë atyre që sot ulen në tryezën e festës me dhimbjen për të dashurit e tyre që nuk jane më. Ndihmofte ata, që me sakrifica kanë blerë ushqimet për të gëzuar fëmijët e tyre dhe të afërmit. Në këtë mbrëmje të fundit të 2018, zoti u dhëntë forcë e kurajo të gjithë atyre që luftojnë me semundjet e që po kalojnë natën në qendrat spitalore. I uroj të gjithëve me zemër një vit të mbarë, me shëndet, mirësi e dashuri për 2019! Qoftë një vit i bukur, me dashuri e ngjyra në jetën e shqiptarëve. Një vit i ri me qëllime dhe ndryshime të mëdha që të dëshmojë se të gjithë shqiptarët meritojnë të jetojnë më mirë se ky vit që lamë pas.”
