Kryeministri Edi Rama ka shpërndarë pamjet e shkollës së re “Llazar Kuli” në fshatin Perondi në Kuçovë.
Kreu i qeverisë shprehet se ky institucion i arsimit është një tjetër investim i Ministrisë së Arsimit dhe Sportit, i realizuar në bashkëpunim me Bashkinë e Kuçovës.
Në postimin e tij në Facebook, Rama thekson se shkolla e re ka hapur dyert me kushte moderne në fillim të këtij viti shkollor, duke ofruar një ambient të përshtatshëm për nxënësit dhe mësuesit.
