Kjo është një e enjte e pazakontë për qytetarët shqiptarë, të cilët të detyruar nga hyrja në fuqi e aktit normativ për mbajtjen e maskës me detyrim, kanë mbajtur këto barriera mbrojtëse gjatë lëvizjes në rrugë e sheshe.
Disa prej qytetarëve që kanë vendosur ta mbajnë maskën, shprehen se i tremben nje izolimi të dytë.
Qytetare 1
Do ta mbajmë maskën, me rritjen e numrit të rasteve, mund të na vijë karantina. Nuk është gjë e mirë për ne.
Qytetare 2
Patjetër që do i mbajmë maskat.
Unë e kam mbajtur edhe ma parë por prapë do e mbaj. Për të ruajtur veten e të tjerët.
Por ka edhe nga ata qytetarë që kanë zgjedhur të mos e mbajën maskën.
Une nuk e vendos kur ec rrugës, vetëm në vendet e mbyllura që është e dertyrueshme ta mbash. Nëse njerëzit binden ta mbajnë maskën vetëm nga frika e gjobës , është gabim.
Do ta vendosim, e harrova në makinë.
Unë e kam maskën, por më lotojnë syte dhe e kam të pamundur ta mbaj.
Ndërsa gjatë punës në servis apo në parukeri është shumë e vështirë mbajtja e maskës shprehen punëtorët, pasi vështirëson shumë frymëmarrjen.
Kjo puna që kemi ne është e lodhshme që të mbash maskë, sepse nuk e duron dot. Je i detyruar ta heqësh ndonëherë, e mbajmë nga e keqja.
Është mirë sepse kur je në distancë të largët, robi do të marrë pak ajër. Në punë kam maska njëpërdorimshe, në shpi artizanale.
Por përdorimi i maskës ka edhe kosto financiare për qytetarët, të cilët shprehen se po përdorin ato artizanale.
Ato i bejmë në rrobaqepsi sepse me ndihmën ekonomikë nuk e përballojmë dot. Mund ti qepim vetë. I mbajëm por kanë kosto. Nuk blej cdo ditë, i blej shumë përdorimshme i laj i hekuros.
Blutë e policisë së shtetit dhe asaj bashkiake janë në terren për të parë mbarëvajtjen e këtij vendimi, dhe në rast konstatimi të mosmbajtes së maskes, masa administrative do të jetë 3 mijë lekë.
