Greqia ka propozuar që kontrolli shëndetësor në pikat kufitare me Shqipërinë dhe vendet e tjera kufitare të kryhet para kontrollit të pasaportave.
Gjatë një vizite në Janinë, zv ministri i Mbrojtjes Civile të Greqisë Nikos Hardalia tregoi se kjo masë ndërrmerret për të mbrojtur stafet e policëve kufitarë, raporton gazetarja e Fax News, Ervina Shehaj.
Pritet që shumë shpejt, shtetasit që hyjnë në Greqi përpara kontrollit të pasaportave të kryejne testin e Covid-19. Kjo do të ndihmojë që efektivët e policisë mos të bien në kontakt me të infektuarit me CoronaVirus.
Në rast se personi del pozitiv rikthehet mbrapsht në vendin e origjinës pa pasur kontakt ne efektivët e policisë. Kjo vlen për të gjitha vendkalimet kufitare të Greqisë. (A.M/Faxweb.al)
/faxweb