ITALI – Një 24-vjeçar shqiptar u arrestua nga policia italiane pasi akuzohet për shitje kokaine. I riu me iniciale K.P. shiste nga shtëpia e tij doza kokaine me vlerën e 80 eurove për gram.
Ai e kishte kthyer shtëpinë e tij brenda një periudhe të shkurtër kohore në një bazë të vërtetë të shitjes së kokainës.
Shqiptari furnizohej vetë me lëndën narkotike dhe më pas në shtëpi e ndante me doza dhe ua shiste klientëve. Policia mundi ta identifikonte pas ndjekjes që i bënte klientëve që shkonin tek shpëia e të riut, të cilët vinin vet dhe blinin produktin në shtëpinë e tij në Teramo.
Pas kërkesës së prokurorit, gjykatësi i Teramos nënshkroi fletarrestimin kundër 24 vjeçarit. Sipas hetuesve, tregu i vënë në shtëpi ishte veçanërisht fitimprurës dhe realizohej brenda një kohe shumë të shkurtër, duke përdorur metoda të shitjes me pakicë.
BalkanWeb