Presidenti serb Aleksander Vuçiç është përfshirë në një lojë fjalësh me një gazetar gjerman pas takimit me komisioneren Federica Mogherini. Ai u pyet nga gazetari i ZDF-së nëse pritet ndonjë dakordim rreth idesë së ndryshimit të kufijve.
“Kur flasim për kufijtë, apo për ndryshimin e kufijve, pyetja ime është se cilët janë kufijtë për të cilët ju po flisni?”, reagoi Vuciç.
Gazetari gjerman ia kthehu se flet për kufijtë të cilët i ka njohur Gjermania, për të marrë këtë përgjigje: “Gjermania e njeh Kosovën si shtet të pavarur, por jo Serbia dhe jo të gjitha shtetet. Për këtë arsye mendoj se është e nevojshme për kompromis”.
“Ne jemi këtu në Berlin për të dëgjuar sugjerimet dhe për të parë se çfarë mundemi të bëjmë”, u shpreh Vuçiç.