Policia ka identifikuar dy persona si autorët e dëshuar që dëmtuan dy postera të një subjekti politik në Kukës.
Dy autorët e dyshuar shtetasit, R.D dhe S.C janë proceduar penalisht për veprën penale “Shkatërrim i pronës”.
Njoftimi i policisë:
Dëmtuan 2 postera të një subjekti politik, Policia identifikon dhe procedon penalisht 2 autorët e dyshuar.
Specialistët për Hetimin e Krimeve të Komisariatit të Policisë Kukës, pasi kanë marrë njoftim se rreth orës 12:00, në qytetin e Kukësit, shtetas të paidentifikuar kishin dëmtuar 2 postera të një subjekti politik, menjëherë kanë shkuar në vendngjarje.
Falë informacioneve të marra në rrugë operative, është bërë i mundur identifikimi i autorëve të dyshuar.
Në përfundim të veprimeve të para procedurale, specialistët për Hetimin e Krimeve të Komisariatit të Policisë Kukës proceduan penalisht shtetasit R. D., dhe S. C., të dy banues në Kukës, për veprën penale “Shkatërrimi i pronës”.
Materialet procedurale do ti kalojnë Prokurorisë pranë Gjykatës së Rrethit Gjyqësor Kukës, për veprime të mëtejshme.r.t
