Një aksident është regjistruar mbrëmjen e të dielës në aksin rrugor Kukës-Morinë.
Një shtetas kosovar me inicialet S.S., nga Prishtina, duke drejtuar një automjet tip “Volvo”, ka humbur kontrollin e si pasojë është përplasur me trafik ndarësen.
Nga aksidenti, mësohet se është dëmtuar bashkëshortja e drejtuesit te mjetit, shtetasja F.S..
E dëmtuara është dërguar për mjekim në spitalin e Kukësit, dhe ndodhet jashtë rrezikut për jetën.
Ndërkohë grupi hetimor dhe Policia Rrugore po punojnë për shkaqet e aksidentit dhe dokumentimin e ngjarjes.
