Kukësi është një nga skuadrat që premton shumë këtë sezon.
Vitin e kaluar, verilindorët ishin shumë larg pritshmërive, por këtë sezon në ndeshjet e para kanë treguar se objektivat janë rritur.
Ndryshimet kanë nisur që nga pankina, që pas largimit të Mirel Josës, vendin e ka marrë tekniku Diego Longo, një emër që ka fituar shpejt zemrën e tifozëve të Kukësit.
Në një intervistë për Vizion Plus, trajneri italian tregon pritshmërit që ka nga djemtë ndërsa permend edhe skuadrat rivale në superlige.
DIEGO LONGO
TRAJNER I KUKËSIT
”Është e thjeshtë . Ne po përpiqemi të rritemi cdo ndeshje , Kemi lojtarë të rinj dhe duhet të punojmë fortë , të sakrifikojmë gjithcka në fushë dhe në fund të luftojmë për cdo trofe në Shqipëri, si Kupë ashtu dhe Kampionat . NuK mund të them tani cfarë lufton skuadra pasi është shumë shpejt , ne duam të fokusohemi 100 % tek cdo ndeshje dhe kjo është puna jonë. I kam parë të gjitha skuadrat dhe kanë lojtarë mirë , vecoj Vllazninë , Partizanin, Tiranen dhe Teutën. Megjithatë nuk i friksohem asnjërës prej tyre. ”
Pero Pejic, një nga sulmuesit më të mirë që klubi ka patur, është rikthyer tek verilindorët, por këtë herë në rolin e drejtorit sportiv. Kroati tregon se ishte një ofertë e parezistueshme çfare e bindi të ishte pjesë e projektit.
PERO PEJIC
DREJTORI SPORTIV I KLUBIT
”Këtë sezon kemi një skuadër të mirë , me lojtarë cilësor dhe konkurues. Kemi një supertrajner që karikon cdo ditë skuadrën dhe them se mund të luftojm për të dyja frontet. Superliga sikundër e tregoi dhe vitin e kaluar është një kampionat i fortë por deri në fund nuk i dihet. Golashënues si une ? Hahah.. Është akoma shpejt, deri tani në 4 ndeshje kemi shënuar 10 gola , do kohë të shihet nëse ka një PEJIC të ri apo jo”
I pyetur për stadiumin e ri të Kukësit si dhe këshillat e veçanta të presidenti Safet Gjici, Pejic përgjigjet:
PERO PEJIC
DREJTORI SPORTIV I KLUBIT
”Për një muaj , besoj cdo gjë do jetë gati. Është një faktor plus për ne . Nëse luajmë në shtëpinë tonë , nuk do të jetë njësoj si në Elbasan. Duam publikun tonë. Me Presidentin flas sa herë ai vjen në Tiranë. I pëlqen loja e skuadrës edhe pse ai gjithmonë kërkon më shumë”
Në katër ndeshjet e para, Kukësi ka grumbulluar 7 pikë, 2 fitore, një humbje dhe një barazim.
