Skip to content

“Kur dola jashtë kishte vetëm tym, vura duart në kokë… nuk na mbetej veçse t’i luteshim Zotit”

Ndajeni këtë artikull me të tjerë duke klikuar ikonat më poshtë

Sot Lirie Vata jeton në një prej 155 banesave private të ndërtuara nga Fondacioni Firdeus me kontributet e qindra mijëra shqiptarëve.

Ajo kujtoi në emisionin “Shqiptarët për Shqiptarët” momentet kur tërmeti shkundi Shqipërinë më 26 nëntor 2019.

“Nuk e harroj kurrë, të shkoj tek ato motra e vëllezër që i kena në tokë..(qan) o Zot veç kujt mos i raftë, se çfarë sikleti e çfare e keqe kemi parë. Kush mos e paftë atë, o Zot. Kur dola përjashtë, shihja vetëm të bardhën e tymit. Vura duart në kokë e thash o Zot shpëto njerëzit, asgjë tjetër… Disa njerëz atje tek pallatet kërkonin ndihmë… Lutëm Zotin veçse, o Zot bëj mrekulli shpëto njerëzit.

Nusja e djalit tim ka qenë shtatzënë atë kohë. Shumë u trembëm, por dashtë Zotit shpëtuam… Zoti është i madh e bën mrekulli. Kush mos e paftë atë që pamë ne, por në mendje nuk më binte vetja, por të rinjtë. Një e afërme e jona ndërroi jetë me fëmijë…prej rrënojave dolën të dy të vdekur. Tre javë nuk kam qenë në terezi, shko nga një mort e në një tjetër…”-tregoi e moshuara.

Ndajeni këtë artikull me të tjerë duke klikuar ikonat më poshtë