Veshkat janë të rëndësishme për nxjerrjen e toksinave dhe helmeve ushqimore jashtë organizmit.
Procesi i pastrimit të organizmit është mjaft kompleks dhe ka zanafillën tek veshkat.
Përmirësimi i funksioneve të veshkave ka rol vendimtar në shëndetin e të gjjithë organizmit.
Problemi është se falë veseve të këqija, veshkat vuajnë dhe nuk punojnë siç duhet, duke ndikuar negativisht në cilësinë e jetës.
Më poshtë do të mësoni nga AgroWeb.org një kurë ideale me qepë e cila forcon veshkat dhe i ndihmon ato të largojnë me shpejtësi substancat e dëmshme.
Qepa është e pasur me vitamina dhe minerale, të cilat e mbështesin dhe mbrojnë organizmin në shumë dimensione.
Qepa ka efekt pastrues, shërben si antibiotik dhe ka ndikim diuretik.
Të treja këto vlera prekin drejtpërdrejtë shëndetin e veshkës.
Përbërësit e qepës krijojnë një mburojë në veshka dhe e mbrojnë atë nga radikalet e lira.
Alicina, një nga përbërësit kryesorë të qepës i jep asaj rolin e një pastrueseje efikase për veshkat.
Vitaminat dhe mineralet tek veshka ekuilibrojnë sasinë e lëngjeve në trup dhe të elektroliteve.
Qepa përmban vitaminat A, B, C dhe E.
Ajo është e pasur me mineralet si kalçiumi, kaliumi, magnezi, sulfuri, fosfori, jodi dhe bakri.
Qepa përmban edhe fibër që është e nevojshme për sistemin tretës.
Si ta përgatisni kurën e qepës
Përbërësit:
2 litra ujë
2 qepë mesatare
3 tufa majdanoz
Lëngu i tre limonëve
Përgatitja:
Ngroheni ujin në një tenxhere.
Qërojini qepët dhe prijini në copa të vogla.
Hidhni ujin e ngrohtë në një kavanoz të madh dhe më pas hidhni qepët.
Shtoni majdanozin dhe lëngun e limonit.
Pas dy orësh, kullojeni lëngun.
Lëngu duhet konsumuar në doza të barabarta gjatë ditës.
Idealja është që të pihet nga një lugë gjelle 5-6 herë gjatë ditës.
Efekti diuretik është i fuqishëm, ndaj kjo kurë mund të përdoret tre herë në javë dhe në varësi të detoksifikimit që kërkon ky organ.
Rekomandohet që gjatë kurës të shmangni yndyrnat e ngopura dhe sheqerin, të cilat rrisin toksinat në organizëm.
Hani më shumë perime dhe fruta me përmbajtje të lartë uji.
Rekomandohet gjithashtu konsumi i bishtajoreve kërpudhave dhe peshkut.
Kurën mund ta vazhdoni për 4 javë.
Kujdes:
Kjo kurë mund të shkaktojë reagime të padëshiruara tek njerëzit që vuajnë nga refluksi acidik apo irritimi gastrik.
Ajo nuk rekomandohet për njerëzit që janë të prekur nga tensioni i ulët sepse e ul më shumë atë.
Njerëzit që vuajnë nga hipoglicemia nuk duhet ta përdorin këtë kurë sepse ndikon në nivelin e sheqerit./AW/
* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.
Burimi: U.S. National Library of Medicine
/shkollaeshendetit.com
