Zëdhënësi i Departamentit Amerikan të Shtetit, Ned Price, tha se SHBA-ja do ta inkurajojë qeverinë e re të Kosovës që sapo të jetë formuar t’u japë përparësi negociatave me Serbinë për normalizimin e marrëdhënieve.
Ai i bëri komentet në përgjigje të një pyetjeje të “Zërit të Amerikës”. “Sa i përket dialogut me Serbinë, Shtetet e Bashkuara mbështesin fuqimisht dialogun e lehtësuar nga BE-ja midis Kosovës dhe Serbisë, që synon një marrëveshje gjithëpërfshirëse të normalizimit, e cila duhet të përqendrohet në njohjen reciproke,” tha Price.
Ai tha se SHBA-ja e përgëzon popullin e Kosovës për zgjedhjet e suksesshme parlamentare, që u mbajtën më 14 shkurt.
“Ne shpresojmë të punojmë me Qeverinë, sapo ajo të formohet, për çështjet prioritare, për të avancuar paqen, drejtësinë dhe begatinë në Kosovë dhe në rajonin më të gjerë,” tha Price.
Zgjedhjet e 14 shkurtit në Kosovës i fitoi Lëvizja Vetëvendosje. Udhëheqësi i saj, Albin Kurti, tha se prioritet i tij nuk do të jenë negociatat me Serbinë, por drejtësia dhe punësimi.
/faxweb
