Subscribe kanalin tonë në Youtube për të mos humbur asnjë video të re

Opozita në Kosovë ka kritikuar vendmin e Albin Kurtit për të mos marrë pjesë në drekën informale të mbajtur në Tiranë ku Kryeministrat e Rajonit u mblodhën për të diskutuar mbi Samitin e Procesit të Berlinit.

Besnik Tahiri, Shefi i Grupit Parlamentar i Aleancës për Ardhmërinë e Kosovës thotë se është e papranueshme që Kosova të përjashtohet nga të gjitha tryezat si pasojë e veprimeve të Albin Kurtit.

“Mos shkuarja e Kryeministrit Kurti në një takim joformal i ftuar nga kryeministri i Shqipërisë tregon logjikën e mbrapsht, inatçore, logjikën autoritare të një njeriu që udhëheq Kosovën. Është e papranueshme që Kosova të përjashtohet nga të gjitha tryezat. Kjo është joshtetformuese” tha Tahiri.

Nëpërmjet një statusi në FaceBook Avdulla Hoti, ish kryeministër i Kosovës shkuan se vendimi i Albin Kurtit për të mos qenë në Tiranë në takimin përgatitor për Samitin e Procesit të Berlinit këtë të hënë është një heqje dorë nga obligimet shtetërore dhe tallje me aspitatat e Popullit të Kosovës për integrimin Europian.

Edhe Behxhet Pacolli , ish – presidenti i Kosovës ka kritikuar qëndrimin e Kurtit ndërsa shkuran  në FaceBook se mospjesmarrja e Kosovës në Këtë takim është gjëja më e keqe që mund ti ndodh vendit.

Pacolli shkruan se me këtë veprim kënaqet Serbia dhe se keqardhja e tij lidhet me mungesën e përgjegjësisë që Albin Kurti dhe Qeveria e tij kanë treguar në këtë rast.

Ndërsa Vlora Çitaku deputete e PDK-së ka kritikuar Albin Kurtin për një sjellje fëmijnore dhe të papërgjegjshme. Çitaku shkruan në statusin e saj se Albin Kurti nuk po refuzon Ramën por po zgjedh të dëmtojë Kosovën.

Subscribe kanalin tonë në Youtube për të mos humbur asnjë video të re