Kancelari austriak, Sebastian Kurz, në një takim me presidentin serb Aleksander Vuçiç, ka diskutuar rreth dialogut mes Kosovës dhe Serbisë, si dhe marrëveshjes përfundimtare për normalizimin e raporteve mes dy vendeve.
Ndërkohë para arritjes në Beograd, Kurz tha se shpreson që vizita e tij të jetë një sinjal i qartë i BE-së për përkrahjen e procesit të anëtarësimit të Ballkanit Përendimor në Union.
Gjatë takimit me Vuçiç, kancelari austriak i bëri të qartë presidentit serb se pa marrëveshje përfundimtare me Kosovën s’ka anëtarësim në BE.
Gjithashtu pritet që mbrëmjen e kësaj të hëne kancelari austriak të vizitojë dhe Kosovën, ku përveç takimeve me liderët shtetërorë, ai pritet të vizitojë edhe bazën e KFOR-it austriak.