Në aksionin e policisë së Kosovës në Banjska të dielën kanë mbetur të vrarë Stefan Nedeljkoviç nga Zveçani, Bojan Mijailoviç dhe Igor Milenkoviç nga Leposaviqi, ndërsa emri dhe mbiemri i të vrarëve të katërt nuk dihet ende.
Dy persona janë plagosur rëndë nga të shtënat në Kosovë, e njëri prej tyre është Vlado Toliç, i cili ka dy plagë në këmbë dhe është operuar në spitalin e Prishtinës.
Në ngjarjet tragjike në veri të Kosovës ka mbetur i vrarë edhe polici i Kosovës Afrim Bunjaku.
Në rrjetet sociale qarkullojnë gjerësisht informacionet dhe fotot e të vrarëve.
Shumë serbë i thonë lamtumirë Nedeljkoviçit dhe theksojnë se ai ishte 31 vjeç, jetonte me gruan e tij dhe ishte baba i tre vajzave.
Sipas disa mediave, familjet e të vrarëve ende nuk mund të marrin trupat e pajetë.
Sipas mediave, Bojan Mijailoviç nga Leposaviqi vetëm një muaj më pare është bërë baba.
Igor Milenkoviç, 50 vjeç, ishte baba i dy fëmijëve dhe punonte si shofer i ambulancës në Qendrën Klinike dhe Spitalore të Mitrovicës së Kosovës.
