Skip to content

Kush po e lë Kosovën pa drita?

Ndajeni këtë artikull me të tjerë duke klikuar ikonat më poshtë

Krizën energjitike që po kalon Kosova, kryeministri Albin Kurti ia ka faturuar qeverive të kaluara.

Duke folur në një event partiak të VV-së, ai tha:

“Në kohën që po e mbajmë këtë mbledhje të Këshillit të Përgjithshëm po përballemi edhe me një sfidë tjetër një krizë energjetike të shkaktuar sa nga faktorë të jashtëm jashtë kontrollit tonë po aq nga mugesa e vizionit për të marrë vendime për të ardhmen nga ata që qeverisën për dy dekada. Derisa kërkesa për energji është rritur çdo vit, prodhimi nga KEK-u ka mbetur i njëjtë e ndërkohë ka pasur edhe vjedhje edhe vendime te gabuara që e kanë sjellë sektorin energjetik buzë kolapsit”.

Ai tha se i kuptonte qytetarët e se ndihej njësoj si ata në këtë situatë.

“Unë e kuptoj frustrimin e qytetarëve me mungesën e energjisë elektrike, më besoni se edhe unë jam i frustrutar, por le të jetë ky një rikujtim për gjendjen në të cilën ata që qeverisën për dy dekada na lanë shtetin sepse si njerëz të territ që ishin që punët i bënin natën e larg syrit të qytetarëve ata s’kishin se si ta lenin Kosovën ndryshe pos në terr, por ajo epokë ka përfunduar. Rrugëtimi që kemi filluar së bashku është me plot sfida por do të na dërgojë në ditë më të mira”, tha i pari i qeverisë së Kosovës.

Ndajeni këtë artikull me të tjerë duke klikuar ikonat më poshtë