Përderisa presidenti Trump edhe më tutje po insiston që të mbyllet me mur kufiri i SHBA-ve me Meksikon, turma njerëzish nga Meksiko e vende tjera të Amerikës Latine po presin të hyjnë në “tokën e premtuar” të Amerikës. Është vështirësuar deri në skajshmëri hyrja atje. Trump nuk lëshon pe; ai ka ndaluar rreptësisht hyrjen pa leje në Amerikë, shkruan .
Kështu, mbrëmë në mesnatë ka vdekur edhe një fëmijë tjetër. Është ky 8-vjeçar
nga Guatemala, i cili ka ndërruar jetë mëngjesin e kësaj të marte në një nga
mjediset e paraburgimit të Agjencisë për Mbrojtjen e Kufirit dhe Doganat. Ky
është fëmija i dytë nga Guatemala që ndërron jetë në këto mjedise brenda këtij
muaji.
Opinion.al raporton se djali, i cili ishte burgosur së bashku me të atin e
tij, humbi jetën pak pas mesnate në Qendrën Mjekësore Rajonale “Gerald
Champion”, në Alamogordo të Neë Mexicos, rreth 145 km në veri të pikëkalimit
kufitar në El Paso të Teksasit.
“Djali u mbajt edhe për 90 minuta të
tjera nën mbikëqyrje, e më pas u nxor nga spital nga pasditja e 24 dhjetorit,
shoqëruar me recetën për të marrë amoksicilinë dhe ibuprofen”, thuhet në
njoftimin për medie të lëshuar nga agjencia kufitare amerikane dhe e doganave.
Amoksicilina është një antibiotik që lëshohet zakonisht me recetë nga
mjeku, e gjithashtu i këshillueshëm.
“Por, pasditen e së hënës, djali nisi të villte dhe u dërgua sërish në
spital për t’u rivlerësuar gjendja e tij. Ai ndërroi jetë vetëm pak orë më
vonë”, thuhet më tej në raport.
Shkaku zyrtar i vdekjes së tij mbetet ende mister, por po zhvillohen të
gjitha hetimet e mundshme e pritet të jepen detaje në vijim. Qeveria e
Guatemalës ndërkohë është njoftuar nga pala amerikane, e sigurisht është në
kontakte me babain dhe familjarët e tjerë të fëmijës. //
