Regjisori Emir Kusturica deklaroi se vendet perëndimore duan të shfuqizojnë Rusinë dhe ta fshijnë atë nga faqja e dheut dhe se propaganda e tyre ka për qëllim diskreditimin e palës ruse dhe denigrimin e gjithçkaje ruse.

“Është interesante se kur ata bombarduan Serbinë, viktimat tona u quajtën ‘dëme kolaterale’”, tha Kusturica për Izvestia.

Ai shtoi se është rritur në një botë ku ishte vazhdimisht në luftë, që të kujton Vietnamin, Irakun, Sirinë, Afganistanin, Libinë.

“Qëllimi i gjithçkaje është të fshijë rusët dhe serbët nga faqja e dheut. Ky është qëllimi përfundimtar i Perëndimit,” vuri në dukje Kusturica.

Ai theksoi se në një situatë ku populli rus dhe serb po përballet me hipokrizinë e hapur të Shteteve të Bashkuara dhe të vendeve perëndimore, është e nevojshme të mbahen fort pas rrënjëve të tyre.

“Rusia duhet të jetë e gatshme për të marrë masa për të mbrojtur veten në të ardhmen. Është duke u zhvilluar ristrukturimi i botës unipolare”, tha Kusturica.

Edhe pse personalitet i njohur në artin e kinemasë, Kusturica, i ushqyer me mite nacionaliste në mënyën më të rëndomtë, shfaqet i rëndomtë dhe në qasje të tilla të një niveli kaq të ulët mendimi, me delir madhështie dhe mani persekucioni.