Sot në orën 10:00 Kuvendi do të mblidhet në seancë plenare, ku në rendin e ditës janë parashikuar diskutimet e një sërë projektligjesh, mes tyre edhe për investimet strategjike, që është kundërshtuar ashpër nga opozita.
Por ashtu siç ka ndodhur edhe në seancat e kaluara, edhe sot pritet që punimet të mbyllen brenda pak minutash.
Dje në mbledhjen e grupit parlamentar të Rithemelimit, u diskutua mbi skenarin që do të ndiqet sot në seancën plenare. Mësohet se do të vijojë po i njëjti skenar, ai i bllokimit të punimeve të seancës, ndërsa tre deputetë u përjashtuan dje.
Bëhet fjalë për Flamur Nokën, i cili u përjashtua me 30 ditë nga punimet e Kuvendit, Bledjon Nallbati me 20 ditë dhe Saimir Korreshi me 5 ditë./
