Ekziston një perim shumë i zakonshëm që përmban 2 herë më shumë vitaminë C sesa protokalli dhe po aq më shumë kalcium sesa qumështi. Ne e njohim si rukola dhe e përdorim në sallata, ndaj sot do të listojmë disa arsye pse duhet ta hash më shumë (pa e tepruar).
E konsideruar si super sallatë dhe e përfshirë në listën e ushqimeve që kanë ndikim direkt te shëndeti, për rukolan ka prova se ndihmon në parandalimin e plakjes dhe ka veti anti-inflamatore.
Rukola do të të ndihmojë me tretjen, me shëndetin e lëkurës, mbrojtjen nga rrezet UV, kujdeset për zemrën, si dhe ndihmon ata që vuajnë me diabet dhe hipertension.
Cilat janë përfitimet e rukolës?
Popullariteti i rukolës ka të bëjë po aq me përfitimet shëndetësore sa edhe me shijen e saj. Një studim i Trusted Source citon se rukola përmban agjentë që luftojnë kancerin.
Kjo gjethe e shijshme është një ushqim i dendur me lëndë ushqyese, i pasur me fibra dhe fitokemikale. Rukola është e ulët në sheqer, kalori, karbohidrate dhe yndyrë. Është e pasur me disa lëndë ushqyese jetike si:
Kalciumi, i nevojshëm për shëndetin e kockave, shëndetin e dhëmbëve, funksionin e muskujve dhe funksionin nervor.
Kaliumi, një mineral dhe një elektrolit që është jetik për funksionin e zemrës dhe nervave.
Folate, një vitaminë B. Ndihmon në prodhimin e ADN-së dhe materialit gjenetik. Është veçanërisht e rëndësishme për gratë që janë shtatzënë ose planifikojnë të mbeten shtatzënë.
Vitamina C, një antioksidant i fuqishëm që ndihmon në mbështetjen e sistemit imunitar. E njohur edhe si acidi askorbik, vitamina C është e rëndësishme për shëndetin e indeve dhe përthithjen e hekurit nga ushqimi.
Vitamina K, e cila ndihmon në koagulimin e gjakut. Nëse keni nevojë për një recetë për hollues gjaku, si ëarfarin (Coumadin), diskutoni marrjen e vitaminës K me mjekun tuaj përpara se të ndryshoni zakonet tuaja të të ngrënit.
Vitamina A, është një antioksidant i fuqishëm, i cili mbështet funksionin imunitar, rritjen e qelizave, dhe shëndetin e përgjithshëm të syve. Ai gjithashtu ndihmon në ruajtjen e funksionit të veshkave, mushkërive dhe zemrës.
