I dërguari i Posaçëm për dialogun Miroslav Lajcak është rikthyer në Prishtinë për të gjetur një zgjidhje përfundimtare për shtensionimin e situatës mes Kosovës dhe Serbisë.
Fillimisht Lajcak u takua me komandantin e KFOR Michele Ristuccia me të cilin diskutoi zhvillimet e fundit dhe përpjekjet e vazhdueshme të KFOR-it në mbështetje te dialogut të lehtësuar nga BE.
Pas kësaj, Emisari i unionit u prit nga presidentja Vjosa Osmani.
VJOSA OSMANI
PRESIDENTE E KOSOVËS
“Institucionet e Kosovës janë të përkushtuara që së bashku me partnerët ndërkombëtarë t’i tejkalojnë sfidat aktuale dhe se Kosova ka demonstruar vullnet për deeskalim, duke ofruar organizimin e zgjedhjeve të reja në veri të vendit, në përputhje me kornizën ligjore të Kosovës. Grupet kriminale dhe individët që përdorën dhunë ndaj policisë, gazetarëve, pjesëtarëve të KFOR-it, EULEX-it dhe qytetarëve, duhet të përballen me drejtësinë.”
Lëvzje diplomatike ka patur edhe në Beograd. Kryeministrja serbe Ana Brnbiç vizioti sot Brukselin ku u takua me krerët e Komisionit dhe Këshillit Europian, Ursula von Der Leyen dhe Charls Michel.
E pyetur nga mediat për rikthim në dialog me kosovën, Brnabiç ka thënë se pwrgjegjwsinw e ka Prishtina, teksa ka bërë thirrje për lirimin e qytetarëve serbë të arrestuar në Kosovë, sipas saj, padrejtësisht.
