LAJM I FUNDIT/ Lëkundje të forta tërmeti në veri të vendit, ndihen edhe në Tiranë (Epiqendra dhe Magnituda)

Lëkundje tërmeti janë ndjerë para pak minutash në Tiranë. Sipas të dhënave paraprake, epiqendra ka qenë në Koplik të Malësisë të Madhe, por lëkundjet kanë qenë mjaftueshëm të forta saqë u ndjenë edhe në Tiranë. Deri më tani raportohet se madhësia e lëkundjeve ka qenë 4.7 ballë të shkallës Rihter. Thellësia e tërmetit ka qenë 25 kilometra. Mësohet se qytetet ku janë ndjerë kanë qenë: Lezha, Shkodra dhe Tirana.

Ndërkohë që gjatë mesnatës së djeshme u raportua se ishin ndjerë 3 tërmete të tjera të njëpasnjëshme në veri të vendit.