LAJM I FUNDIT/ U kap në përgjime duke shpërndarë lekë për vota, arrestohet kandidati për deputet në zgjedhjet e 25 Prillit (EMRI)

lajm-i-fundit-te-shtena-780x405-1.jpg

Ndajeni këtë artikull me të tjerë duke klikuar ikonat më poshtë

Kandidati për deputet nga lista e LSI-së, Etjon Joka është arrestuar ditën e sotme nga polcia e Tiranës.

Joka akuzohet për korrupsion aktiv në zgjedhje pasi u kap në përgjime duke dhënë shumë parash në këmbim të votës të qytetarëve në zgjedhjet parlamentare të 25 Prillit.

32 vjeçari u shpall në kërkim nga policia e Tiranës para disa muajsh, ndërsa dojsa e tij i kaloi në shqyrtim Prokurorisë së Posaçme SPAK.

Njoftimi i arrestimit sot

Nga specialistët për Hetimin e Korrupsionit u bë ekzekutimi i vendimit penal, për shtetasin E. J, 32 vjeç, pasi Gjykata e Posaçme Kundër Korrupsionit dhe Krimit të Organizuar, ka caktuar në mungesë masën e sigurisë “Arrest në burg”, për veprën penale “Korrupsioni aktiv në zgjedhje”.

Njoftimi i Policisë Tiranë kur Joka u shpall në kërkim

Specialistët e Seksionit për Hetimin e Korrupsionit në Drejtorinë Vendore të Policisë Tiranë bënë ndalimin për veprën penale “Korrupsioni pasiv në zgjedhje”, të shtetasit E. B., 30 vjeç, si dhe shpallën në kërkim për veprën penale “Korrupsioni aktiv në zgjedhje”,” shtetasin E. J., 32 vjeç, kandidat për deputet i një subjekti politik për qarkun e Tiranës.

Në kuadër të procedimit penal, datë 23.04.2021 të SPAK dhe bazuar në pamjet filmike të transmetuara në media dhe rrjete sociale, këta dy shtetas janë të dyshuar për një rast korrupsioni në fushatën zgjedhore.

Shërbimet e Policisë kanë ushtruar disa kontrolle por deri tani nuk është bërë e mundur kapja e shtetasit E. J.

Materialet proçeduriale iu kaluan Prokurorisë së Posaçme Kundër Korrupsionit dhe Krimit të Organizuar, në ngarkim të shtetasit E. B., për veprën penale “Korrupsioni pasiv në zgjedhje”, dhe në ngarkim të shtetasit E. J., për veprën penale “Korrupsioni aktiv në zgjedhje”.

/faxweb

Ndajeni këtë artikull me të tjerë duke klikuar ikonat më poshtë