Lajm i mirë për shqiptarët, ky vend rikthen fluturimet ndërkombëtare për herë të parë pas dy vitesh

Ministria për Evropën dhe Punët e Jashtme njofton se Kuvajti ka rihapur aeroportin për udhëtimet ndërkombëtare, për herë të parë pas dy viteve.

Pas dy viteve që ka qëndruar i mbyllur, ky destinacion do të mirëpresë udhëtarët, që do të duhet të zbatojnë masat e mëposhtme.

Vaksina nuk është e detyrueshme, por në varësi të dozimit ose moskryerjes së saj, do të kërkohet testi PCR ose karantinimi deri në një javë.

Rregullat për udhëtimet drejt këtij shteti:

Për pasagjerët që janë plotësisht të vaksinuar nuk kërkohet test PCR as para udhëtimit as kur mbërrijnë, dhe nuk ju kërkohet më të qëndrojnë në karantinë pas mbërritjes.

Pasagjerëve pjesërisht të vaksinuar nuk u kërkohet të bëjnë test PCR para udhëtimit, por duhet të qëndrojnë në karantinë për 7 ditë, ose të bëjnë një test PCR sapo të mbërrijnë.

Pasagjerët e pavaksinuar duhet të bëjnë një test PCR 72 orësh para mbërritjes. Ata duhet të qëndrojnë në karantinë për 7 ditë dhe do lejohen të dalin nga karantina vetëm nëse testi rezulton negativ.

Këto procedura nuk përfshijnë fëmijët e moshës nën 16 vjeç.